 for web4.jpg)
 for web3a.jpg)
2026-10-22 09:08:58
23 October 2026 Friday
29th Week in Ordinary Time
Luke 12: 54 - 59
Reflection by Sr. Carmella, SCCG ( Sisters of Charity)
Posted by Sr. Maria Ni Ni, MSP
Reading the real meaning of times
ခောတ်ကာလနေရာဒေသ အခြေအနေနဲ့လိုက်လျောညီထွေစွာ သာသနာပြုဖို့ ဒီကနေ့ သမ္မာကျမ်းစာကဖိတ်ခေါ်ထားပါတယ်။သဘဝတရားတို့ရဲ့ လုပ်ဆောင်မှု နဲ့ ဖြစ်ပျက်ခြင်းတွေ ကြုံတွေ့ရတဲ့အခါ တို့တတွေတုန်လှုပ်ကြတယ်။စိုးရိမ်ကျတယ်။ကမ္ဘာပျက်တော့မလား။ဘုရားသခင်ဒဏ်ခတ်နေတာလား။စသဖြင့် မေးခွန်းပေါင်းများစွာနဲ့ ဒို့တတွေ စိုးရိမ်ပြီးပြောပေမယ့် အသက်တာပြောင်းလဲခြင်းဆီကို ခရီးမရောက်ခဲ့ကြဘူး။ အဆင်ပြေရာ၊ နေသားကျရာဘဝဟောင်းမှာပဲ ဆက်လက်နေထိုင်နေမိကြတယ်။ ဒီအဖြစ်ပျက်ကနေပါလာတဲ့ ဘုရားသခင်ရဲ့ အလိုတော်နဲ့ သတင်းစကားကို နားစွင့်ဖို့ ရှာဖွေဖို့ မေ့လျော့ပျက်ကွက်နေမိတတ်တယ်။ ငလျင်လုပ်ခြင်း၊ရေကြီးခြင်း၊မြေပြိုခြင်းတွေကနေ ဘုရားသခင်က အပြစ်သားတွေကို သုတ်သင်ရှင်းလင်းနေတာ မဟုတ်သလို သင်ဘဝကို အမည်းကနေ အဖြူထည်အဖြစ်လို့ ချက်ချင်းပြောင်းလဲ ဖို့ အတင်းအကြပ် ခြောက်လန့်တောင်းဆိုနေတာလဲ မဟုတ်ပါဘူး။ဒီကနေ့ကျမ်းစာတွေထဲမှာ သူ့အသံကိုကြားဖို့၊အလိုတော်ကိုတွေ့မြင်ဖို့နဲ့သူ့ကိုသစ္စာရှိစွာဆက်လက်ယုံကြည်အားကိုး အစေခံ ဖို့ဖြစ်ပါတယ်။ အဖြစ်အပျက်တိုင်းမှာ ဘုရားကိုရှာရင်း ယုံကြည်ခြင်း၊မျှော်လင့်ခြင်း၊ချစ်လေးမြတ်နိုးခြင်းတို့ ဆက်လက်ရှင်သန်တိုးတက်ရန် ကျေးဇူးခွန်အားများတောင်းခံသွားကြပါစို့။ငါရေငတ်သောအချိန်၊ ငါ အဝတ်မရှိသောအချိန် ၊ ငါအကျဉ်းချခံရချိန် ။ငါ ဖျားနာချိန်စသောဘုရားသခင်ရဲ့မေးခွန်းစရွက်ကာ အကောင်းဆုံးဖြေဆိုနိုင်ဖို့ နေ့စဉ်နဲ့အမျှ အသက်ရှင်ခြင်းထဲမှာ ကိုယ်တော်နဲ့နီးကပ်စွာ လျှောက်လှမ်းကြပါစို့