 for web4.jpg)
 for web3a.jpg)
2024-02-19 21:13:24
22.2.2024 – First week of Lent, Thursday
၂၂ရက် ၊ဖေဖေါ်ဝါရီလ ၊ ၂၀၂၄၊ ဝါတွင်းကာလ ပထမသီတင်းပတ် - ကြာသပတေးနေ့
Matthew 16:13-19 - ရှင်မာတေးဦး ၁၆း၁၃-၁၉
Reflection by Rev. Msgr. Peter Sein Hlaing Oo, Mandalay Diocese
Posted by Sr. Benedetta Myat Hnin Nwe (ISR)
ရှင်ပေတရုရာဇပလ္လင်ပွဲတော်ပ-ပေတရု ၅:၁-၄။ မာတေဦး ၁၆:၁၃-၁၉နိုဝင်ဘာလ (၉)ရက်နေ့ကရှင်ယောဟန်လာတေရန်ကျောင်းတော်အပ်ပွဲကျင်းပပါတယ်။ ဒီနေ့လည်း ရှင်ပေတရုရာဇပလ္လင်ပွဲကျင်းပပါတယ်။ အဆောက်ဦးတွေပရိဘောဂတွေကို အမွှန်းတင်နေတာမဟုတ်ပါဘူး။ မမြင်နိုင်သော သခင်ဘုရားရဲ့မြင်နိုင်သော ကိုယ်စားလှယ်တော်(visible head of the invisible Christ)၊သခင်ဘုရားကိုယ်စား အမိသာသနာတော်ရဲ့ဦးသျှောင်(vicar of Christ on earth) ဖြစ်သူသံပေတရုနဲ့ သူ့ရဲ့အရိုက်အရာကိုဆက်ခံကြတဲ့ရဟန်းမင်းကြီးများအပေါ် သခင်ဘုရားကိုယ်တော်တိုင် ပေးအပ်ခဲ့တဲ့ အခွင့်အာဏာကို ရိုသေလေးစားသမှုနဲ့ဂုဏ်ပြုကြတဲ့ပွဲ ဖြစ်ပါတယ်။ ကျောက်ဆောင်ဆိုတာ လူတွေခိုနားလောက်အောင်အရွယ်အစားကြီးမားပါတယ်(ဆာလံ ၃၁:၃၊ ၇၁:၃)။ ကျောက်တုံးကတော့ကျောက်ဆောင်လောက်မကြီးပါဘူး။အရွယ်အစားမတူပေမယ့်‘ကျောက်’ဆိုတဲ့အခြေခံသဘာဝခြင်းကတော့အတူတူပါပဲ။ ကျောက်တစ်တုံးနဲ့တစ်တုံးဆက်စပ်ဖို့ဘိလပ်မြေလိုအပ်သလို ရဟန်းမင်းကြီးအရှင်သူမြတ်ရဲ့ဦးဆောင်မှုအောက်မှာ တစ်လုံးတစ်ဝတည်းရှိဖို့ရာခိုင်မြဲထက်သန်တဲ့ယုံကြည်ခြင်း လိုအပ်ပါတယ်။ ဒီယုံကြည်ခြင်းကို ကျွန်ုပ်တို့တစ်ဦးစီရဲ့ ဝိညာဉ်ရေး အတွေ့အကြုံကနေရနိုင်ပါတယ်။ ဒီနေ့ သခင်ဘုရားက ကျွန်ုပ်တို့ တစ်ဦးစီကို မေးနေပါတယ်“သင်မူကား ငါမည်သူဖြစ်သည်ဟု ဆိုမည်နည်း?” (မာတေဦး ၁၆:၁၅)။
