 for web4.jpg)
 for web3a.jpg)
2024-04-24 20:26:48
25.4.2024 - 4th week Thursday of Eastertide
ဧပြီလ ၂၅ ရက် ၊ ၂ ၀၂၄၊ ပါစကားကာလ စတုတ္ထပတ် ကြာသပတေးနေ့၊
Saint Mark, Evangelist - Feast
ရှင်မာကု ၁၆း၁၅-၂၀ - Mark 16:15-20
Reflection by Rev. Fr. Bosco Saw Lar Htoo
Posted by Sr. Benedetta Myat Hnin Nwe,ISR
ထို့နောက် ကိုယ်တော်က သူတို့ အား မိန့် တော်မူသည်ကား ကမ္ဘာအရပ်ရပ်သို့သွားကြ၍ ဝေနေယျ သတ္တဝါအပေါင်းတို့အား ဧဝံဂေလိတရားတော်ကို ဟောပြောကြလော့။ယုံကြည်၍ဆေးကြောခြင်းခံယူသော သူတို့သည် ကယ်တင်ခြင်းခံရလိမ့်မည်။ မယုံကြည်သောသူမူကား အပြစ်စီရင်ခြင်းခံရလိမ့်မည်။ယုံကြည်သော သူတို့၌ ဤနိမိတ်လက္ခဏာများဖြစ်ပေါ်လိမ့်မည်။ သူတို့သည် ငါ၏နာမတော်ကိုအမှီပြုလျက် နတ်ဆိုးများကို နှင်ထုတ်နိုင်ကြလိမ့်မည်။ ဘာသာစကားအသစ်များကိုလည်း ပြောဆိုကြလိမ့်မည်။သူတို့သည် မြွေဆိုးများကို ကိုင်ဖမ်းကြလိမ့်မည်။ သေစေနိုင်သောအရာကိုသောက် မိလျှင်လည်း ၎င်းသည် သူတို့ကို ဘေးဖြစ်စေလိမ့်မည် မဟုတ်။ သူတို့သည် လူနာများအပေါ်၌ မိမိတို့လက်ကို တင်၍ ထိုသူတို့သည်လည်း ပြန်လည်ကျန်းမာလာ ကြလိမ့်မည်ဟု မိန့်တော်မူ၏။ဤသို့ဖြင့် ယေဇူးသခင်သည် သူတို့အား မိန့်မှာတော်မူပြီးသည့်နောက် ကောင်းကင်ဘုံသို့ဆောင်ယူခြင်းကိုခံတော်မူ၍ ဘုရားသခင်၏လက်ယာဘက်၌ထိုင်တော်မူ၏။တပည့်တော်တို့သည်လည်း ထွက်သွားကြ၍ တရားတော်ကို အရပ်ရပ်၌ဟောပြောကြ၏။ သခင်ဘုရားသည်လည်း သူတို့နှင့်အတူလုပ်ဆောင်တော်မူ၍ သူတို့ဟောပြောသောတရားတော်မှန်ကန်ကြောင်းကို သက်သေပြရန်တန်ခိုးလက္ခဏာများဖြင့် ကူညီစောင်မ တော်မူလေ၏။ အာမင်။*ထောက်ရှုချက်*ကမ္ဘာအရပ်ရပ်သို့သွားကြ၍ဝေနေယျ သတ္တဝါအပေါင်းတို့အားဧဝံဂေလိတရားတော်ကို ဟောပြောကြလော့။(မာကု 16:15) ဆေးကြောခြင်းခံပြီးတဲ့သူတိုင်းဟာဝမ်းမြောက်ဖွယ်ရာသတင်းကောင်းကိုဟောကြားသက်သေခံဖို့စေလွှတ်ခြင်းခံရပါတယ်။"Mission in Action" မှာအသက်ဝင်လှုပ်ရှားသောသနာပြုခြင်းဖြစ်ဖို့ရဟန်းမင်းကြီးကတိုက်တွန်းတာဖြစ်တယ်။ဒါကြောင့်ဆေးကြောခြင်းခံပြီးတဲ့သူတိုင်းသည်သတင်းကောင်းကိုဟောပြောရမယ်။ဒီသတင်းကောင်းကဘာလဲ?ဘာကိုဟောပြောရမှာလဲ?ရှင်ပေတရုဟောတဲ့တရားမှာပါတယ်။ရှင်ပေတရုသြဝါဒစာပထမစောင်(5:10) မှာသင်တို့သည်ခေတ္တခဏမျှသာဆင်းရဲဒုက္ခခံစားရပြီးနောက် ခရစ်တော်အားဖြင့်မိမိ၏ထာဝရဘုန်းဂုဏ်တော်ကို သင်တို့ကိုခေါ်တော်မူသောကျေးဇူးတော်အပေါင်းတို့၏ဘုရားသခင်သည် ကိုယ်တော်တိုင် သင်တို့ကိုပြန်လည်ပြည့်စုံစေ၍ခိုင်ခံ့မြဲမြံစေပြီးလျှင် အားဖြည့်ပေးတော်မူလိမ့်မည်။ လို့ရေးသားထားတယ်။ ဆင်းရဲဒုက္ခဆိုတာအမြဲတည်နေတဲ့အရာမဟုတ်ဘူးဘုရားသခင်မေတ္တာတော်ရှင်ကပြန်ပြီးတော့ ပြည့်စုံစေမယ်၊ ခိုင်ခံ့မြဲမြံစေပြီးတော့အားဖြည့်ပေးမယ်။ ထာဝရအသက်ကိုပေးမယ်။ဒါသတင်းကောင်းဘဲဧဝံဂလေိဆိုတာအဲဒါဘဲဒုက္ခဆိုတာခဏပါလို့ပြောတဲ့ဘုရားရှင်ကိုယ်တော်မြတ်ကိုယ်တိုင်ကပြန်လည်ပြီးတော့ပြည့်စုံစေမှာပြန်လည်ပြီးတော့ခိုင်ခံ့မြဲမြံစေမှာ။နောက်ဆုံး ထာဝရအသက်မှာရှင်သန်နေရမှာဖြစ်ပါတယ်။
