 for web4.jpg)
 for web3a.jpg)
2026-07-01 09:26:18
2 July 2026 Thursday
13th Week in Ordinary Time
Matthew 9:1 -8
Reflection by Society of Jesus (S.J)
Posted by Sr. Maria Ni Ni, MSP
ရှင်မာတေဦး ၉:၁-၈ (ကျန်းမာခြင်းကျေးဇူးတော်)
သခင်ယေဇူးက လေဖြတ်သူအား ကျန်းမာစေခဲ့တဲ့အကြောင်း ဖတ်ရှုကြရပါတယ်။ မိတ်ဆွေ တချို့က လေဖြတ် နေသူ တစ်ဦးကို သခင်ယေဇူးဆီ ခေါ်ဆောင်လာ ခဲ့ကြတဲ့အခါ သခင်ယေဇူးကတော့ လေဖြတ်နေသူရဲ့ ရုပ်ခန္ဓာထက် စိတ်နှလုံးကို အရင်ဆုံး ကုသပေး ခဲ့တယ်။ အဓိက ထောက်ရှု သင့်တဲ့ အချက် (၃)ချက်တွေကတော့…
* အဖွဲ့အစည်းရဲ့ ယုံကြည်ခြင်းက အရေးကြီးပါတယ်။ လေဖြတ်သူရဲ့ မိတ်ဆွေ/ အဖွဲ့အစည်းတွေရဲ့ ယုံကြည်ခြင်းက သူ့ကို သခင်ယေဇူးဆီ ပို့ဆောင် ပေးခဲ့ပါတယ်။ ကျွန်ုပ်တို့ရဲ့ ယုံကြည်ခြင်းဟာလည်း တခြားသူတွေကို သခင်ခရစ်တော်ဆီ အရောက် ပို့ဆောင် ပေးနိုင်ပါတယ်။ ယနေ့ ကျွန်ုပ်တို့ရဲ့ အပြောအဆို အပြုအမူအားဖြင့် ဘယ်သူ့ကို သခင်ယေဇူးဆီ ခေါ်ဆောင် သွားမလဲ။
* သခင်ယေဇူးဟာ ဝိညာဉ် ရေးရာကို ဦးစားပေးပြီး လေဖြတ်သူရဲ့ အပြစ်ကို ဦးစွာ လွှတ်ပေးခဲ့ပါတယ်။ ဘဝမှာ ဝိညာဉ် ရေးရာ ကျန်းမာခြင်းက အမြဲတမ်း ကျွန်ုပ်တို့ရဲ့ အနက်ရှိုင်းဆုံး လိုအပ်ချက် ဖြစ်တယ်။ ဒါကြောင့် ဝိညာဥ်ရေး တိုးတက် ကောင်းမွန်ပြီး ဖြေလွှတ်ခွင့် ရနိုင်အောင် ဘာတွေ လုပ်ဆောင်မလဲ။
* သခင်ယေဇူးမှာ ကုသဖို့ အခွင့်အာဏာ အပြည့်အဝ ရှိပါတယ်။ လေဖြတ် နေသူကိုသာမက လူတိုင်းကို ကျန်းမာအောင် ကုသပေးနိုင်တဲ့ အပြစ် လွှတ်ပိုင်ခွင့်ရှိတဲ့ ဘုရားသခင်က ကျွန်ုပ်တို့ အားလုံး ကျန်းမာတာကို အလိုရှိပါတယ်။ ဒါကြောင့် သခင်ယေဇူးကို ယုံကြည် အားကိုးပြီး ကျွန်ုပ်တို့ရဲ့ ကိုယ်ရော စိတ်ဝိညာဥ်ကိုပါ ကျန်းမာအောင် ကြိုးစား နေထိုင် ကျင့်ကြံကြပါစို့။