 for web4.jpg)
 for web3a.jpg)
2026-04-24 00:23:39
24 April 2026
Third Week of Easter Friday
Reflection by Celeste, MSP
Posted by Sr. Maria NI Ni, MSP
ဒီနေ့ဧဝံဂလိကျမ်းစာတော်မြတ်၏ သတင်းစကားမှာ ၁/ ခရစ်တော်ကိုယ်တိုင်က အသက်မုန့်ဖြစ်ကြောင်း၊ ထိုမုန့်ကိုစားသောသူသည် ထာဝရအသက်ရှင်မည်ဖြစ်ကြောင်း ထပ်ခါတလည်သတိပေးနေပါတယ်။ ထပ်ခါထပ်ခါပြောသောစကားများသည် အလွန်အရေးကြီးတယ်ဆိုတာဖော်ပြနေခြင်းပါ။ ဤကဲ့သို့ပြောနေခြင်းက ကျွန်ုပ်တို့အား ထာဝရအသက်ကို ရစေလို၍ နှလုံးသားမှလာသောမေတ္တာစကားပါပဲ။ ဒီအတွက် ထာဝရအသက်ရရှိရန် နေ့စဥ်မစ္ဆားတရား၌ပါဝင်ခြင်းအားဖြင့် အသက်မုန့်ဖြစ်သောကိုယ်တော့်၏အသားတော်ကို ယုံကြည်ခြင်းဖြင့်ပင့်ယူစားသောကြရန် ခရစ်တော်က အလေးအနက်တိုက်တွန်းနိုးဆော်နေခြင်းပါ။ ခရစ်တော်ပေးသောထာဝရအသက်ကိုသင်အမှန်တကယ်လိုချင်ပါကနေ့စဥ် မစ္ဆားတရားကိုပါဝင်ပြီး ကိုယ်တော်မြတ်ကို ယုံကြည်လေးမြတ်ခြင်းဖြင့် ပင့်ယူရမှာပါ။
၂/ ငါသည် ခမည်းတော်အားဖြင့်အသက်ရှင်၏။ငါ့ကိုစားသောသူသည်လည်းငါ့အားဖြင့်အသက်ရှင်လိမ့်မည်။ဟုမိန်မြွက်တော်မူသောစကားအားဖြင့်ကျွန်ုပ်တို့သည်ခရစ်တော် ၏အသားတော်ကို ပင့်ယူစားသုံးမှသာအသက်ရှင်ခြင်းချမ်းသာရရှိမှဖြစ်သလို၊ တစ်နည်းအားဖြင့် ခမည်းတော်၌ အသက်ရှင်နိုင်မယ်ဆိုတဲ့အချက်ကိုမီးမောင်းထိုးပြသလို၊ တစ်ခြားတစ်ဘက်မှာလည်း လောကမှာ သွေးသားတော်စပ်မှုကို သိချင်တဲ့အခါ ထိုသူတွေရဲ့သွေးကို ရေထဲမှာထည့်လိုက်တဲ့အခါ သွေးက ရောနှောမသွားပဲ သီးသန်းဆီဖြစ်နေပါက ဆွေမျိုးတော်စပ်ခြင်းမရှိကြောင်းသိရှိနိုင်တယ်၊ ဒီလိုမှမဟုတ် ထိုသူတို့ရဲ့သွေးကရောနှောသွားတယ် / ပေါင်းစပ်သွားပါက သူတို့တွေဟာ ဆွေမျိုးတော်စပ်နေကြောင်းသိနိုင်ပါတယ်။ ဒီလိုပါပဲ ခမည်းတော်ဘုရား၌အသက်ရှင်ရန်၊ ခမည်းတော်ရဲ့သားသမီးအဖြစ်တော်စပ်မှုရှိရန်၊ ခမည်းတော်၏ တစ်ပါးတည်းသော သားတော်၊ ခရစ်တော်သခင်၏ အသက်ပေးမုန့်တော်ကို ပင်ယူစားသုံးမှသာ ခမည်းတော်နဲ့ တစ်လုံးတစ်ဝတည်းဖြစ်လာနိုင်မယ် / ခမည်းတော်၏ သားသမီးများအဖြစ်ဆွေမျိုးတော်စပ်လာနိုင်မှာဖြစ်ကြောင်း ခရစ်တော်က ကျွန်ုပ်တို့လူသားတွေကို ထာဝရအသက်ရှင်ခြင်းကိုပေးနိုင်သော ကိုယ်တော်၏အသားတော် ကိုယ်တော်မြတ်မုန့်တော်ပင့်ယူစားသုံးကြရန် မေတ္တာတရားဖြင့် ဖိတ်ခေါ်နေတာကို အစဥ်အမြဲ နှလုံးပိုက်ကာ နာယူ၊ ပင့်ယူနိုင်သူများဖြစ်ရန်ကြိုးသားကြပါစို့။