ကျမ်းစာတော်မြတ်ထဲမှာဘုရားသခင်ကြေညာတဲ့တစ်ခုတည်းသော စစ်ပွဲကကမ္ဘာဦးကျမ်းမှာစပြီးကြားရတယ်။"သင်နှင့်မိန်းမကိုလည်းကောင်း၊သင်၏အမျိုးအနွယ်နှင့်မိန်းမ၏အမျိုးအနွယ်ကိုလည်းကောင်းငါသည်ရန်ငြိုးဖွဲ့စေမည်။သူသည် သင်၏ခေါင်းကို ကြိတ်လိမ့်မည်၊သင်သည်သူ၏ခြေဖနောင့်အောက်တွင်နင်းခြေခြင်းကို ခံရလိမ့်မည်"ကမ္ဘာဦးကျမ်း၃:၁၅"ထိုအခါနဂါးကြီးသည်မိန်းမအပေါ်အမျက်ထွက်၍သူမထံမှဆင်းလာသည့်ကျန်ရှိနေသောအမျိုးအနွယ်ကိုလည်းကောင်း၊ဘုရားသခင်၏ပညတ်တော်များကိုလိုက်နာသောသူတို့အားလည်းကောင်း၊ယေဇူးကိုသက်သေခံသောသူတို့အားလည်းကောင်းတိုက်ခိုက်ရန်ထွက်ခွာသွားလေ၏။"ဗျာဒိတ်တော်ကျမ်း ၁၂:၁၇ကမ္ဘာဦးကျမ်းကမြွေကြီးနဲ့ဗျာဒိတ်တော်ကျမ်းကနဂါးကြီးတို့ကစာတန်နတ်ဆိုးကို ညွှန်းဆိုမှန်းငါတို့ သိကြတယ်။ဒါပေမဲ့ မိန်းမဆိုတာကဘယ်သူ့ကိုညွှန်းတာလဲ။သားတော်ယေဇူးကမယ်တော်မာရီယားကို"မိန်းမ"ဆိုပြီး ကာနန်လက်ထပ်ပွဲနဲ့လက်ဝါးကပ်တိုင်ခြေရင်းမှာခေါ်ခဲ့တယ်။ယောဟန် ၂:၁-၁၁, -ယောဟန် ၁၉:၂၅ မယ်တော်မာရီယားကိုသူမနာမည်နဲ့မဟုတ်ဘဲယေဇူးကိုမွေးဖွားပေးတဲ့"မိန်းမ"တစ်ဦးဆိုပြီးဂါလားဆီယာဩဝါဒမှာလည်းတွေ့ရတယ်။"အချိန်ကျရောက်သောအခါဘုရားသခင်သည် မိမိ၏သားတော်ကိုစေလွှတ်တော်မူခဲ့၏။ထိုသားတော်သည်ပညတ်တရား၏လက်အောက်ခံအဖြစ်မိန်းမတစ်ဦးမှ မွေးဖွားလာခဲ့ခြင်းဖြစ်၏။"ဂါလားဆီယာဩဝါဒစာ ၄း၄ ဗျာဒိတ်တော်ကျမ်း ၁၂မှာ-"ကောင်းကင်ယံ၌ကြီးမားသောနိမိတ်လက္ခဏာတစ်ခု ပေါ်ထွန်းလေ၏။မိန်းမတစ်ဦးသည် နေကိုဝတ်ဆင်ပြီးလကို ခြေဖြင့်နင်းလျက် ဦးခေါင်းပေါ်တွင်လည်းကြယ်တစ်ဆယ့်နှစ်လုံးပါသည့်သရဖူကိုဆောင်းထားလေ၏။" ဆိုပြီးအစချီထားတဲ့ကျမ်းပိုဒ်က"ထို့ကြောင့်ထာဝရဘုရားသည်ကိုယ်တော်တိုင်နိမိတ်လက္ခဏာကိုသင်တို့အားပေးတော်မူမည်။ကြည့်ရှုလောသတို့သမီးကညာသည်ပဋိသန္ဓေစွဲယူ၍ သားယောကျာ်းကို ဖွားမြင်လတ္တံ့။ထိုသားကို ဧမာနွေလအမည်ဖြင့် မည့်ရလတ္တံ့"ဆိုတဲ့ ဟေရှာယအနာဂတ္တိကျမ်း ၇:၁၄ ကအကြောင်းအရာနဲ့ထပ်တူညီနေတာကိုတွေ့ရပါတယ်။ အထက်ကကျမ်းပိုဒ်တွေမှာ"မိန်းမ" ဆိုတဲ့ပုဂ္ဂိုလ်ကယေဇူးရဲ့မိခင်မယ်တော်မာရီယားကိုပဲညွှန်းဆိုကြတယ်ဆိုတာ ထင်ရှားပါတယ်။ဒီတော့ဘုရားသခင်ကြေညာတဲ့တစ်ခုတည်းသောစစ်ပွဲမှာမိမိကမိန်းမရဲ့အမျိုးအနွယ်မယ်တော်သခင်မရဲ့သားသမီးတွေဘက်ကလား။ဒါမှမဟုတ်မြွေ(နဂါး)ရဲ့အမျိုးအနွယ်စာတန်နတ်ဆိုးရဲ့ကျေးကျွန်တွေဘက်ကလားဆိုတာမိမိကိုယ်ကိုယ်စစ်ဆေးကြရမှာပါ။
#သည်းနယူး
#ဘုရားသခင်ကြေညာတဲ့စစ်ပွဲ
#၁၃ဇန်နဝါရီ၂၀၂၃
*The only war that God declared in Scriptures

စာစုအား ဘာသာပြန်ဝေမျှပါသည်။