 for web4.jpg)
 for web3a.jpg)
2024-02-12 07:39:15
13.2.2024 - Tuesday of week 6 in Ordinary time.
၂၀၂၄ ခုနှစ် ဖေဖေါ်ဝါရီလ၊ ၁၃ ရက် သာမန်ကာလ ဆဌမပတ် - အင်္ဂါနေ့
Mark 8:14-21 -ရှင် မာကု ၈:၁၄-၂၁
Gospel Reflection By Rev. Msgr. Peter Sein Hlaing Oo, Mandalay Diocese
Posted by Sr. Benedetta Myat Hnin Nwe (ISR)
ယာကုပ် ၁:၁၂-၁၈။ မာကု ၈:၁၄-၂၁တဆေးအနည်းငယ်နဲ့ မုန့်ညက်တွေကိုပွယောင်းစေနိုင်ကြောင်း လုကာ ၁၃:၂၁ နဲ့ ဂလာတိ ၅:၉ တို့မှာ အကောင်းဖက်ကနေဆိုထားပါတယ်။ ဒီနေ့ကျမ်းစာမှာတော့ ဖာရီဇေးဦးတွေရဲ့ တဆေးက လူတွေကိုလွှမ်းမိုးပြီး လမ်းမှားရောက်စေနိုင်ကြောင်း သခင်ဘုရားက သတိပေးတော်မူပါတယ် (မာကု ၈:၁၅)။အသေးအမွှားဆိုပြီး အလေးမထားလို့ မရပါဘူး။ မကောင်းတဲ့ အလိုဆန္ဒရဲ့နှောင့်ယှက်ခြင်းကြောင့် ဝိညာဉ်သေဆုံးနိုင်ပါတယ် (ယာကုပ် ၁:၁၄-၁၅)။ အမှိုက်ကစ ပြသာဒ်မီးလောင် ဆိုတာလိုပေါ့။ အရေပြားပေါ်က အဖြူကွက်လေးကို သတိမထားမိဘဲ နှစ်တွေကြာလာတော့ နူနာဖြစ်သွားပါတယ်။ အခြားတစ်ဖက်မှာလည်း‘The longest journey begins with a step’.‘တစ်နေ့တစ်လံပုဂံဘယ်ပြေးမလဲ’ ၊ ‘Have a bit, have a bit and it becomes habit’. ‘မိုးစက်မိုးပေါက်လေးတွေစုပေါင်းပြီး မြစ်ချောင်းတွေကို ရေပြည့်စေ’စတဲ့ ဆိုရိုးစကားတွေရှိပါတယ်။တစ်နေ့နည်းနည်း၊တစ်နေ့နည်းနည်းနဲ့ နှစ်တွေကြာပြီး စုမိသွားတဲ့အခါအရက်သမားကြီးလည်းဖြစ်လာနိုင်သလို ပညာရှင်ကြီးလည်းဖြစ်လာနိုင်ပါတယ်။ဘာတွေကိုတစ်နေ့နည်းနည်းလုပ်မလဲဆိုတာကိုယ့်ရဲ့ရွေးချယ်မှုပါပဲ။
