 for web4.jpg)
 for web3a.jpg)
2024-02-04 20:36:08
6.2.2024 - Monday of week 5 in Ordinary time.
၂၀၂၄ ခုနှစ် ဖေဖေါ်ဝါရီလ၊ ၆ ရက်- သာမန်ကာလ ပဉ္စမပတ် - အင်္ဂါနေ့
Mark 7:1-13 - မာကု ၇:၁-၁၃
Gospel Reflection By Rev. Msgr. Peter Sein Hlaing Oo, Mandalay Diocese
Posted by Sr. Benedetta Myat Hnin Nwe (ISR)
တ-ဓမ္မ ၈:၂၂-၂၃၊၂၇-၃၀။ မာကု ၇:၁-၁၃ဗိုလ်ချုပ်အောင်ဆန်းက သူနာပြုဆရာမဒေါ်ခင်ကြည်ကိုမေတ္တာရှိကြောင်း၊မေတ္တာတုန့်ပြန်စေလိုကြောင်း အရင်မပြောဘဲလက်ထပ်ခွင့်အရင်တောင်းခဲ့တယ်လို့ ဖတ်ဖူးပါတယ်။သူကလူရိုးပါ။ ဒီလူတွေကို ရွှေချပေးနေရတာဘယ်တော့များမှ အရောင်တောက်လာမယ်မသိဘူး’လို့ဆရာတော်ကြီးတစ်ပါးက ညည်းဖူးပါတယ်။ ဒီလူတွေက လူအတွေပါ။တချို့က ဘုရားထက် အစားကိုပိုဦးစားပေးပြီးဘုရားစဉ်နဲ့ မီးဖိုချောင်နေရာအထားမှားနေကြပါတယ်။ သူတို့ကလူလည်တွေပါ။ ဘုန်းကြီးတစ်ပါးက‘ကျွန်ုပ်ရသမျှဘုရားသခင်ကိုလှူတယ်၊ ဘုရားကမယူမှ သူသုံးတယ်’ လို့ဆိုပါတယ်။ ဘယ်လိုလှူသလဲမေးကြည့်တော့‘ဘုရားသခင်ရှိရာ မိုးကောင်းကင်ပေါ်ကိုအားလုံးပစ်တင်လိုက်တယ်၊သူမယူလို့ ပြန်ကျလာမှကျွန်ုပ်သုံးတယ်’တဲ့။သူကတော့လူလိမ်ပါ။အီစွပ်ပုံပြင်မှာတော့‘ငါသောက်မယ့်ရေကို နောက်အောင်လုပ်တာ မင်းမဟုတ်ရင်မင်းအဖေပဲဖြစ်ရမယ်’လို့သိုးငယ်ကို စွပ်စွဲတဲ့ဝံပုလွေအကြောင်းတွေ့ရပါတယ်။အဲ့လိုလူမျိုးကလူမိုက်ပါ။ပြစ်ဒဏ်စီရင်ချက်ချပြီးမှသက်သေအထောက်အထားကို မတရားတဲ့နည်းလမ်းနဲ့ရှာတဲ့တရားသူကြီး တချို့လည်းတွေ့ဖူးကြမှာပါ။သူတို့ကတော့ လူယုတ်ပေါ့။ ဒီနေ့ ရှင်မာကုဧဝံဂေလိကျမ်းမှာ အဲ့ဒီလိုလူအမျိုးမျိုး၊စိတ်အထွေထွေကိုတွေ့ရပါတယ်။‘အိုဘုရားသခင်၊အကျွန်ုပ်၏အတွင်းစိတ်၌ ဖြူစင်သောနှလုံးသားကို ဖန်ဆင်းတော်မူပါ’(ဆာလံ ၅၁:၁၀)။
