သုံးပါးတစ်ဆူ အရင်းတည်ကာ
ပေါင်းစည်းသက်တာ ဆောက်တည်ကြမယ်။အားနည်းချက်တွေ ကိုယ်စီရှိလည်း
ညီအစ်မအရင်းသဖွယ် ဖေးမကြမယ်။
ပညာအလိမ္မာ ဟာသဉာဏ်ဖြင့် ပျော်စရာလေးများ ဖွင့်ဟကြမယ်။
လုပ်ငန်းတာဝန် အတွေ့ကြုံများ
ဝေမျှခြင်းဖြင့် ဆက်ကပ်ကြမယ်။အရှိကို အရှိအတိုင်း လက်ခံကာရယ်
လေးစားမှုဖြင့် ဆက်ဆံကြမယ်။
မေတ္တာစေတနာ ပွားများကာရယ်
ပါရမီများကို တိုးပွားစေမယ်။
ရိုးသားပွင့်လင်း ခြိုးခြံခြင်းဖြင့်
ခရစ်တော်နောက်လိုက် ပီသစေမယ်။
လူမျိုးမတူ ယဉ်ကျေးမှုများ ကွဲပြားနေလည်း
ခရစ်တော်၌သာ ပေါင်းစည်းကြမယ်။
စိတ်နှလုံးဖြူစင် ဓနမခင်တွယ်ဘဲ
သုံးပါးသစ္စာ ဦးထိပ်ပန်ကာ ယဇ်ကောင်သဖွယ် ဆက်ကပ်လို့ရယ်
ဆပ်ဖြေခြင်းအမှု၌ ပါဝင်ကြမယ်။
ကျောက်ခက်နွယ်(I.S.R.)