အာ(ဒ်)ဝင်းတူးကာလဖြင့်၊ အမိအသင်းတော်သည်၊ ဝတ်ပြုခြင်းနှစ်သစ်ကိုအစပြုပါသည်။ အာ(ဒ်)ဝင်းတူးကာ လသည်၊ လေးပတ်တာ ကြာ မြင့်ပြီး၊ ဒီဇင်္ဘာ (၂၄) ရက်နေ့ညနေ့၌ အဆုံးသတ်ပါသည်။ ဤကာလသည်၊ ထာဝရ ဘုရားသခင်၏သားတော်၊ ကြွလာခြင်းကို၊ ဆန်းစစ်၊ မျှော်လင့်ရင်း၊ ပြင်ဆင်စောင့်စားရသော ကာလဖြစ်ပါသည်။ ဤကြွလာခြင်းကို၊ အတိတ်၊ ပစ္စုပ္ပန်နှင့်၊ အနာဂါတ်၊ ကာလသုံးပါးဟု ပိုင်းခြား၍၊ ကျင်းပခြင်းဖြစ်ပါသည်။ ကိုယ်တော်သည်၊ လူ့အဖြစ်မွေးဖွားခြင်းခံခြင်းဖြင့် ကြွလာခဲ့ပြီးဖြစ်ပါသည်။ ထို့အတူ၊ အမိအသင်းတော်၏၊ ဝတ်ပြုခြင်း အခမ်းအနားအတွင်း၌၊ ကျေးဇူးတော်ဖြင့်လည်းကောင်း၊ နောက်ဆုံးသောနေ့၌၊ ရှင်သူ၊ သေသူများကိုစစ် ကြောစီရင်ရန် တဖန် ကြွလာလိမ့်မည် ဖြစ်ပါသည်။

#အာ(ဒ်)ဝင်းတူးကာလဖြစ်ပေါ်လာပုံသမိုင်း။

အာ(ဒ်)ဝင်းတူးကာလကို၊ ရှေးဦးစွာစပိန်လူမျိုးနှင့်၊ ဂါလီကန်လူမျိုးတို့မှအစပြုခဲ့ခြင်းဖြစ်ပါသည်။ ဘာသာဝင်များသည်၊ ဒီဇင်္ဘာ (၁၇) ရက် နေ့မှစ၍၊ ဇန္နဝါရီလ (၆) နေ့တိုင်အောင်၊ နေ့စဉ်ဘုရားကျောင်းကန် တက်ရမည်ဟု၊ စပိန်နိုင်ငံ၊ ဆာရာဂေါ(စ်)စာ (၃၈၀) (the council of Saragossa) အစည်းအဝေးမှ၊ ပြဋ္ဌာန်းချမှတ်ခဲ့ပါသည်။ ထို့အတူ၊ ပြင်သစ်နိုင်ငံ၊ Poitier မှ ဆရာတော်ဟီလာရီကလည်း၊ ဂါလီကန်ဝိနည်း လိုက်သော၊ မိမိ၏ဘာသာတူများအား၊ မင်းပညာရှိသုံးပါးပွဲတော်ကို၊ (၃) ပတ်တာပြင်ဆင်ပြီးမှ၊ ကျင်းပရန်သတ်မှတ် ခဲ့ပါသည်။ (၅) ရာစု၌၊ ဂေါ(လ်) လူမျိုးတို့သည်၊ နိုဝင်င်္ဘာ (၁၁) ရက်နေ့၌ကျရောက်သော၊ စိန်မာတင်းပွဲနေ့မတိုင်ခင်မှစ၍၊ တစ်ပတ်လျှင် (၃) ရက်တာ၊ ဝါ ရှောင် ဆုတောင်းခြင်းကိုပြုလုပ်ရာ၊ ခရစ္စမတ်ပွဲနေ့ထိတိုင်ဖြစ်ပါသည်။ အေဒီ (၃၈၄) ခုနှစ်၌၊ စပိန်နိုင်ငံ၏ နယ်နိမိတ်အတွင်းရှိ၊ ဘာသာဝင်ရန်ပြင် ဆင်ခဲ့သူများကို၊ ခရစ္စမတ်နေ့နှင့်၊ မင်းပညာရှိသုံးပါးတို့၏ပွဲနေ့၌ ဆေးကြောခြင်းကိုပေး၍၊ ဘာသာဝင်အဖြစ်လက်ခံခဲ့ကြပါသည်။ (၄) ရာစု၌၊ ရောမတွင်၊ ခရစ္စမတ်အကြို၊ ဝါရှောင်ခြင်း (မရှောင်မနေရမဟုတ်ပေ) ကိုပြုခဲ့ကြပါသည်။ အထက်ကတင်ပြခဲ့သောသာဓကများသည်၊ အာ(ဒ်) ဝင်းတူးကာလကိုတိုက်ရိုက်မဟုတ်ဘဲ၊ ဖြစ်ပေါ်လာစေရန် အခြေအနေများဖြစ် စေခဲ့ပါသည်။ အာ(ဒ်)ဝင်းတူးကာလကို၊ အမှန်တကယ် သတ်သတ်မှတ်မှတ်၊ ကျင်းပရန်လမ်း ညွှန်မှုပေးခဲ့သူမှာ၊ ရဟန်းမင်းကြီးမဟာ ဂရေဂေါ် ရီ (d.604) ဖြစ်ပါသည်။ သူသည်အာ(ဒ်)ဝင်းတူးကာလကို၊ (၄) ပတ်တာ ပြင်ဆင်၊ ဆုတောင်းခြင်းပြုလုပ်ရန်၊ အာ(ဒ်)ဝင်းတူးကာလနှင့်ဆိုင်သော၊ ပရိတ်မေတ္တာများ၊ အလိုက်ဆာလံများ၊ မစ္ဆားတရား အပြင်အဆင်များ၊ ဓမ္မတေးသီချင်းများ အစရှိသည်တို့ကို၊ ရေးဆွဲပြဋ္ဌာန်းခဲ့ပါသည်။

#အာ(ဒ်)ဝင်းတူးပန်းခွေ။

အာ(ဒ်)ဝင်းတူးပန်းခွေကို၊ အရွက်စိမ်းများဖြင့်ပြုလုပ်ရပါသည်။ ထိုပန်းခွေပေါ်တွင်ဖယောင်းတိုင် (၄) တိုင် စိုက်ထူထားရပါမည်။ ပန်းခွေကို၊ မစ္ဆားပလ္လင်ပေါ် (သို့) သီးသန့်ပြင်ထားသော၊ စားပွဲပေါ် (သို့) ကြိုးဖြင့်ချိပ်ဆွဲ၍ သော်လည်းကောင်း၊ ထားရှိနိုင်ပါသည်။ ထိုဖယောင်းတိုင် (၄) တိုင်ကို၊ တစ်ပတ်တစ်တိုင်ထွန်းညှိရမည်ဖြစ်ပါသည်။ ဤသို့ထွန်းညှိခြင်းသည်၊ ခရစ်တော်သခင်၏ ကြွလာခြင်း ကို စောင့်ကြိုခြင်းကို၊ ညွှန်းဆိုနေခြင်းဖြစ်ပါသည်။ (မာတေဦး ၂၄း၁-၆) ထို့အတူ လောကအလင်းဟုလည်း၊ အနက်အဓိပ္ပါယ်ရှိပါသည်။ (ယောဟန် ၈း၁၂)

#မက်ဆီးယား။

အာ(ဒျ)ဝငျးတူးကာလနှငျ့ ခရစ်စမတျကာလတှငျ တခွားအခြိနျတှမြေားထကျ၊ မကျဆီးယားဟူသညျ့၊ ဝေါဟာရကို ကွားရ၊ သုံးကွပါသညျ။ ဒီဝေါဟာရသညျ ဟဘေရူးစကားလုံး Mashiakh ကဆငျးသကျလာခဲ့တာဖွစျပွီး၊ ဂရိလိုတော့ Messias လို့ပွနျပွောငျးရေးခဲ့ရာကနေ၊ ဂရိယဉျ ကြေးမှုကွီးစိုးလှှမျးမိုးလာသညျနှငျ့၊ ဂရိဝေါဟာရကိုပို တှငျတှငျကယြျကယြျ အသုံးပွုလာခဲ့ခွငျးဖွစျပါသညျ။ ဒီဘှဲ့တောျကို၊ အီဇရေး(လျ) လူမြိုးတှကေ၊ သူတို့ကိုအုပျစိုးမညျ့ဘုရငျတှကေို၊ ခေါျဝေါ သုံးနှုနျးလေ့ရှိပါသညျ။ (ဒု-ဓမ်မ ၁း၁၄) ဘာသာရေးမှာအရေးပါသညျ့၊ ရဟနျးအကွီးအကဲ မြားကိုလညျး၊ မကျဆီးယာဟု ခေါျဝေါျသုံးနှုနျးလေ့ရှိခဲ့ပါသညျ။ (ဝတျပွု ၄း ၃၊ ဇာခါရီးယာ ၄း၁၄) ဘာကွောငျ့လဲဆိုသောျ၊ ဘုရငျနှငျ့၊ ရဟနျးတောျမြားဟာ ဘုရားရှငျက တိုကျရိုကျခနျ့အပျရှေးခယြျထားပွီး၊ သနျ့ရှငျးသော ဆီတောျမြားလိမျးကြံခံရသူမြား ဖွစျသောကွောငျ့ဖွစျသညျ။ (ပဓမ်မရာ ဝငျ ၉း၁၅-၁၀း၁၊ ၁၆း၁-၁၃၊ ဒုဓမ်မ ရာဇဝငျ ၉း၃၊ ဝတျပွုရာကမြျး၈း၁၂)

#ရဟန်းဝတ်သောဝတ်ရုံတော်အရောင်ပြောင်းသွားခြင်း။

 ပုံမှန်အချိန်များ၌၊ ရဟန်းတော်များ မစ္ဆားပူဇော်သောအချိန်၌ဝတ်ဆင်သော၊ ဝတ်ရုံတော်၏အရောင်မှာ၊ အစိမ်းရောင်ဖြစ်ပါသည်။ ရဟန္တာများ၏ပွဲနေ့များရှိပါက၊ ပွဲနေ့ရှင်ရဟန္တာများ၏၊ အသက်တာပေါ်မူတည်၍၊ ဝတ်ရုံတော်အရောင်ပြောင်းလဲ ဆင်မြန်းပါသည်။

ဥပမာ။ ။ အနီရောင်ဝတ်ရုံတော်

အနီရောင်ဝတ်ရုံတော်ကို

- မေတ္တာပန်းပွဲ (ယေဇူးသခင်၊ ဂျေရူးစလင်မြို့ထဲသို့၊ ဝင်ရောက်ခြင်း အခမ်းအနားကို၊ ကျင်းပခြင်းဖြင့်၊ သန့်ရှင်းသောရက်သတ္တပတ်ကိုအစပြုသော)၊

- သောကြာနေ့ကြီး (ယေဇူးသခင်ဒုက္ခခံသော၊ သောကြာနေ့ကြီး)၊

- ပင်တေကေ့ာ(စ်) (သန့်ရှင်းတော်ဝိညာဉ်တော်ဘုရား၊ အမိမယ်တော်နှင့်၊ နောက်ဆုံးညစာစားပွဲတည်ခဲ့သောအခန်းတွင်း၌ဆုတောင်းနေကြသော သူများအပေါ်ဆင်းသက်သောပွဲ)၊

- တရားတော်အတွက်၊ အသက်တော်စွန့် ခဲ့သော တမန်တော်များ၊ ကျမ်းရေးပုဂိုလ်များ (စိန်ဂျွန် မှအပ)နှင့်၊ ဓမ္မအာဇာနည်များတို့၏ ပွဲနေ့များတွင်၊ သွန်းခဲ့သောအသွေးတော်ကို အမှတ်ရသည့်အနေဖြင့်၊ အနီရောင်ဝတ်ရုံကိုဆင်မြန်းပါသည်။

#အဖြူရောင်ဝတ်ရုံတော်။

- ခရစ္စမတ်ပွဲနေ့၊

- ယေဇူးသခင်ရှင်ပြန်သောပါစကားပွဲနေ့၊

- ယေဇူးသခင်နှင့်သက်ဆိုင်သောပွဲနေ့များ (ဒုက္ခခံသော၊ သောကြာ နေ့ကြီးမှလွှဲ၍)၊

- အမိမယ်တော်၏ပွဲနေ့များ၊

- ကောင်းကင်တမန်တော်များ၊

- ဆေးကြောခြင်းမင်္ဂလာ ဆရာသံယောဟန်၊

- ကျမ်းရေးတမန်တော် သံယောဟန်၊

- စိန်ပီတာ၏ပလ္လင်တော်ပွဲ၊

- စိန်ပေါလ်၏အကျင့် ပြောင်းလဲခြင်းပွဲနေ့နှင့်၊

- ဧဝံဂေလိတရားတော်ကို၊ စံပြုထိုက်အောင်၊ အားထုတ်ခဲ့ပြီး၊ ဖြူဖြူ စင်စင်ကျင့်ကြံ၊ အသက်ရှင်ခဲ့သောရဟန္တာများ၏ပွဲနေ့များ၌၊ အဖြူရောင်ဝတ်ရုံကို၊ ဆင်မြန်းလေ့ရှိပါသည်။

မှတ်ချက်။ ။ရွှေရောင်များဖြင့်လည်း၊ အစားထိုးဝတ်ဆင်လေ့ရှိသည်။ အထူးသဖြင့်၊ ယေဇူးသခင်နှင့်၊ သက်ဆိုင်သောပွဲနေ့များတွင်ဝတ်ဆင်လေ့ရှိပါသည်။ ရွှေသည်မြတ်သောအရာ၊ ဘုရားရှင်နှင့်၊ ဘုရင်များနှင့်ဆိုင်သောအရာဖြစ်ေသာကြောင့်၊ မင်းသုံးပါးသူငယ်တော်အား၊ လာရောက်ဖူးမျှော်စဉ်၌၊ လက်ဆောင်များအနက်၊ ရွှေလည်းပါဝင်ခဲ့ပါသည်။

#အစိမ်းရောင်ဝတ်ရုံတော်။

အစိမ်းရောင်၏အနက်သည်၊ ရှင်သန်ခြင်း၊ မျှော်လင့်ခြင်းကိုဖေါ်ညွှန်းပြီး၊ ရဟန္တာများ၏ပွဲနေ့မကျင်းပသောနေ့များနှင့်၊ ရိုးရိုးသာမာန်အချိန်ကာလများတွင်၊ ဆင်မြန်းလေ့ရှိပါသည်။

#ခရမ်းရောင်ဝတ်ရုံတော်။

အလွန်ရှေးကျသော အရောင်ဖြစ်ပါသည်။ ရှေးဟောင်းဂူများ၌၊ ခရမ်းရောင်ပိတ်စများကို တွေ့ရှိရကြောင်း၊ သမိုင်းမှတ်တမ်းများ၌ဖတ်ရပါသည်။ ၎င်းကို အနက်ရောင်အစား၊ သုံးလေ့ရှိပါသည်။ ခရမ်းရောင်ကို၊ သွေးခြောက်ရောင် (သွေးစိမ်း ခြောက်သွားသော အရောင်) ကိုညွှန်းဆိုခြင်းဖြစ်ပါသည်။ ထို့ကြောင့်၊ အမိအသင်းတော်၏ဝတ်ပြုခြင်း၌၊ ကွယ်လွန်သွားသော ဝိညာဉ်များအတွက်၊ ဆု တောင်းပေးသည့် လဖြစ်သော၊ နိုဝင်ဘာလနှင့်၊ စျာပဏအခမ်းအနားကျင်းပသော၊ အခမ်းအနားများ၌၊ ဝတ်ဆင်လေ့ရှိပါသည်။ မြေထဲပင်လယ်တစ်ဝိုက်၊ နေထိုင်ခဲ့သော၊ လူမျိုးများ၏ယဉ်ကျေးမှု၌၊ ခရမ်းရောင်သည်၊ ဘုရင်များ၊ အထက်တန်းလွှာများ၊ ရဟန်းများ၊ ပ ညာရှင်များသာ၊ ဝတ်ဆင်လေ့ရှိသောအရောင် ဖြစ်ပါသည်။ ယေဇူးသခင်သည်၊ ဘုရားဘုရင်၊ ရဟန်း၊ ဆရာသခင်၊ ဟုညွှန်း ဆိုလိုသော ကြောင့်၊ အာ(ဒ်)ဝင်းတူးကာလ (ကိုယ်တော်ရှင်ကြွလာချိန်ကိုစောင့်မျှော်သောကာလ) ၌၊ ခရမ်းရောင်ကို၊ ဆင်မြန်းခြင်းဖြစ်ပါသည်။ သို့သော်တတိယပတ်၊ အာ(ဒ်)ဝင်းတူးတနင်္ဂနွေနှင့်၊ စတုတ္ထပတ်၊ ဝါတွင်းကာလတနင်္ဂနွေနေ့များ၌၊ ဖြစ်နိုင်လျှင်၊ ပန်းရောင်ဝတ်ရုံကို ဝတ်ဆင်ရပါမည်။

မှတ်ချက်။ ။အနက်ရောင်ကို၊ ခရမ်းရောင်နှင့်၊ အစားထိုးဝတ်ဆင်နိုင်သော်လည်း၊ ယနေ့ခေတ်၌ အနက်ရောင် ဝတ်ရုံကို၊ ရာသီဥတုကြောင့်လည်းကောင်း၊ အနက်ရောင်အပေါ်ထားရှိသော၊ လူမူအသိုင်းအဝိုင်း၏၊ အမြင်ကြောင့်လည်းကောင်း၊ ဝတ်ပြုခြင်း၌မတွေ့ရသ လောက်မှေးမှိန်လာပါတော့သည်။

#အာ(ဒ်)ဝင်းတူးကာလ (ဒုတိယပိုင်း)။

အမိအသင်းတော်အနေဖြင့်၊ အာ(ဒ်)ဝင်းတူးကာလကို၊ (၄) ပတ်တာသတ်မှတ်၍၊ ပြင်ဆင်စေပါသည်။ ထိုပြင်ဆင်ခြင်းကို၊ ပုံမှန်ပြင်ဆင်ခြင်းဟု သတ်မှတ်နိုင်ပါသည်။ ထို့နောက်၊ ဒီဇင်ဘာ (၁၆) ရက်နေ့မှစ၍၊ ခရစ်တော်ကြွလာခြင်းကို၊ ကြိုဆိုရာ၌၊ တစ်ဆင့် တက်၍၊ အနီးကပ်ပြင်ဆင်ခြင်းအနေဖြင့်၊ (၉) ရက်တာ၊ နိုဗေးနားဆုတောင်းခြင်းဖြင့်၊ ပြင်ဆင်ပူဇော်နိုင်ရန်၊ ထပ်မံ၍နိုးဆော်ထားပြန် ပါသည်။ ထိုနိုဗေးနား ဆုတောင်းမေတ္တာ အစပြုသောနေ့မှသာ၊ ခရစ်တော်ကြွလာခြင်း၏၊ သတင်းကောင်းကို (ကယ်ရယ်)၊ စတင်ကြေငြာကြပြီး၊ ခရစ္စမတ်၏အငွေ့ အသက်ကို၊ စတင်ခံစားကြပါသည်။ ဤပြင်ဆင်ခြင်းများအနက်၊ ပိုမိုအနီးကပ်ပြင်ဆင်သော၊ (၃) ရက်တာ ပြင်ဆင်ခြင်း (Tridium) ကိုလည်း၊ အမိအသင်းတော်အနေဖြင့်၊ သတ်မှတ်ကျင်းပလေ့ရှိပါသည်။ ဤ (၃) ရက်တာ၊ အပြင်းအထန်ပြင်ဆင်ခြင်း၏ရည်ရွယ်ချက်မှာ၊ သာမာန်ပြင် ဆင်မှုမျိုးနှင့်၊ (၉) ရက်တာပြင်ဆင်မူမျိုးကို၊ မပြုလုပ်နိုင်ခဲ့သူများအတွက်ရည်ရွယ်ပြီး၊ နိုးဆော်တိုက်တွန်းခြင်းဖြစ်ပါသည်။

မှတ်ချက်။ ။ခရစ္စမတ်ပွဲတော်ကို၊ ရုပ်ပိုင်းဆိုင်ရာပျော်ရွှင်မူနှင့်အတူ၊ အထူးသဖြင့် ဝိညာဉ်ရေးပိုင်းဆိုင်ရာကျေးဇူးတော်များကို၊ ရယူခံစား၊ ကျင်းပနိုင်ကြရန် ကြိုးစားကြရမည်မှာ အဓိကဖြစ်ပါသည်။

#နိုဗေနား (Novena)

#နိုဗေနား၏အနက်အဓိပ္ပါယ်နှင့် ပြုလုပ်ရသည့်နည်း။        

နိုဗေးနာသည်၊ ကက်သလစ်အသင်းတော်၏၊ ဆုတောင်းခြင်း၊ ကြည်ညို ခြင်းအပိုင်း၏၊ တစ်စိတ်တစ်ပိုင်းဖြစ်ပါသည်။ နိုဗေနာ ၏အနက်ကား ‘ကိုး’ ဟုဆိုလိုပါသည်။ ဤဆုတောင်းခြင်းသည်၊ လူစုလူဝေးဖြင့် လည်းကောင်း၊ တစ်ဦးတစ်ယောက်စီ၏၊ ကြည်ညိုမှု အ နေဖြင့်သော်လည်းကောင်း၊ ပြုလုပ်သော ဆုတောင်းမေတ္တာဖြစ်ပါသည်။ ထိုသို့ပြုလုပ်ရာ၌၊ ကိုးရက်ဆက်တိုက်ပြုလုပ်ရပါသည်။ ထို့ ကြောင့်လည်း၊ ကိုးရက်တာ ဆုတောင်းစာ (သို့) နိုဗေးနာဆုတောင်း ဟုခေါ်တွင်ခြင်းဖြစ်ပါသည်။

#ရည်ရွယ်ချက်။

အရေးကြီးသောပွဲရက်ခါကြီး၊ မတိုင်မီ၊ ကိုးရက်တာကြိုတင်ပြင်ဆင်သောအားဖြင့်၊ ဆုတောင်းခြင်းများလည်းပြုလုပ်ကြပါသည်။ ၎င်းအ ပြင်၊ မိမိ လိုအပ်သော၊ ကျေးဇူးတော်ရရှိရန်၊ ကိုးရက်တာအထူးပူဇော်ဆုတောင်းြခင်း (သို့) ပထမ သောကြာကိုးပတ်ကို၊ မပြတ်တန်းဆု တောင်းပူဇော်ခြင်း စသဖြင့်ပြုလုပ်နိုင်ပါသည်။ နိုဗေးနာဆုတောင်းမေတ္တာသည်၊ ထိုနေ့(သို့) ထိုအချိန်အခါအတွက်၊ သီကုံးထားသော ဆုတောင်း မေတ္တာများကို၊ ရွှတ်ဖတ်ပူဇော်လေ့ရှိပါသည်။ ထိုဆုတောင်းစာများကို၊ မစ္ဆားတရားအစ (သို့) အဆုံး၌ရွှတ်ဆိုခြင်း၊ ဆု တောင်းစာရွှတ်ဆို ပူဇော်ပြီးနောက်၊ ကိုယ်တော်မြတ်ကောင်းကြီးပေးခြင်း၊ အခမ်းအနားဖြင့်သော်လည်းကောင်း၊ အဆုံးသတ်လေ့ ရှိပါ သည်။

#သမိုင်းအစ။                 

နိုဗေးနာဆုတောင်းခြင်းကို၊ အလယ်ခေတ်၌၊  ပြင်သစ်နှင့်၊ စပိန်နိုင်ငံတို့တွင်၊ ခရစ္စမတ်ပွဲတော်ကိုကြိုဆိုရန်၊ ပြင်ဆင်သောအချိန် ကာလ၌၊ ရွှတ်ဆိုပူဇော်ခဲ့ကြပါသည်။ သို့သော်၊ ကွယ်လွန်သွားသူအတွက်၊ ဆုတောင်းပူဇော်ပေးသော၊ ကိုးရက်တာပူဆွေးခြင်း (ရက်လည်) နိုဗေးနာဆုတောင်းပူဇော်ခြင်းသည်၊ ခရစ္စမတ်ပွဲအတွက်၊ နိုဗေးနာဆုတောင်းမေတ္တာထက်၊ ပိုစောပြီးလူသိ များခဲ့ပါသည်။

#အာ(ဒ်)ဝင်းတူးကာလ (တတိယပိုင်း)

ကျွန်ုပ်တို့ အာ(ဒ်)ဝင်းတူးကာလကို၊ ပထမပတ်၊ ဒုတိကပတ်၊ တတိယပတ်ဟု ပြင်ဆင်လာခဲ့ကြသည်။ တတိယပတ်သည်၊ သာမန်ပြင်ဆင်ခြင်းကာလကို အဆုံးသတ်ပြီး၊ အနီးကပ်ပြင်ဆင်ခြင်းကာလကိုအစပြုခြင်းဖြစ်သည်။ အဘယ်ကြောင့် ဆိုသော်၊ ဒီဇင်ဘာလ (၁၇) ရက်မှစ၍ (၂၄) ရက်သည်၊ အမိအသင်းတော်၏၊ ဝတ်ပြုခြင်းအတွင်းဖတ်ရှုပူဇော်သော၊ သမ္မာကျမ်းစာများ၊ မစ္ဆား တရား၏ဆုတောင်းစာများကို၊ ပြောင်းလဲရွတ်ဆိုရပါသည်။ ထို့အတူ၊ နိုဗေးနာဆုတောင်းဝတ်ပြုခြင်းကိုလည်း၊ အစပြုလိုက်ပြီးဖြစ်ပါ သည်။

#မစ္ဆားတရားအတွင်း၊ ဖတ်ရူ့ပူဇော်သော၊ ပထမကျမ်းစာ။

မစ္ဆားတရားအတွင်း၊ ဖတ်ရှုပူဇော်သော၊ ပထမကျမ်းစာများသည်၊ မယ်ဆီးယားအရှင်၊ ကြွလာခြင်းကို၊ တင်ကြိုဟောကိန်းထုတ်ထားသော၊ ဓမ္မဟောင်းကျမ်းစာများမှ၊ ကြားနာထောက်ရှုရမည်ဖြစ်ပါ သည်။ ထိုကျမ်းစာများမှာ

(ကမ္ဘာဦးကျမ်း ၄၉း၂၊ ၈-၁၀၊)

(ပရောဖက် ယေရမိ ၂၃း၅-၈၊)

(တရားသူကြီးမှတ်စာ ၁၃း၂-၇၊ ၂၄-၂၅၊)

(ပရော ဖကျ အီဇာအီးယား ၇း၁၀-၁၄၊)

(ပရောဖက်ဇေဖာနီးယာ ၃း၁၄-၁၈၊)

(ဓမ္မရာဇဝင် ပထ မစောင် ၁း၂၄-၂၈၊)

(ပရောဖက်မာလခီ ၃း၁-၄၊ ၂၃-၂၄၊)

(ဓမ်မ ရာဇဝငျဒုတိယစောငျ ၇း၁-၅၊ ၈-၁၁၊ ၁၆) တို့ဖွစျပါသညျ။

"မက်ဆီးယား" ၏အနက် ကားသန့်ရှင်သောဆီတော်၊ လိမ်းကျံခံရသူ ဖြစ်ပါသည်။

#မစ္ဆားတရားအတွင်း၊ ဖတ်ရှုပူဇော်သော၊ ဧဝဂေလိကျမ်းစာ။

မစ္ဆားတရားအတွင်း၊ ဖတ်ရှုပူဇော်သော၊ ဧဝဂေလိ ကျမ်းစာများမှာမူ၊ ခရစ်တော်သခင်၏၊ မွေးဖွားခြင်းအကြောင်းကို၊ တင်ပြထားသော၊ သံမာတေဦးနှင့်၊ သံလုကာတို့၏ ကျမ်းစာများမှသာ၊ ဖတ်ရှုရမည်ဖြစ်ပါသည်။ ဤဧဝဂေလိကျမ်းနှစ်စောမှသာ ဖတ်ရှုသည်ဆိုသော်လည်း၊ တစ်အုပ်လုံးမဟုတ်ဘဲ၊ ကျမ်းစာများ၏၊ ပထမအခန်းကြီးများမှသာဖတ်ရှုကြားနာရမည်ဖြစ်ပါသည်။ အဘယ်ကြောင့်ဆိုသော်၊ ကိုယ်တော်ရှင်၏ ကြွလာခြင်းကို၊ အဘယ်သို့ပြင်ဆင်ရမည်ကို၊ လမ်းညွှန်ပြသနေသောကြောင့်၊ ကျွန်ုပ်တို့နည်းနာယူနိုင်ရန်၊ ရည်ရွယ်ခြင်းဖြစ်ပါသည်။

#သူငယ်တော်အိမ် (The Crib)

#ဆောက်လုပ်ခြင်း၏သမိုင်း။

ကက်သလစ်အသင်းတော်အနေဖြင့်၊ သူငယ်တော်ယေဇူးမွေးဖွားသည့်၊ ဘက်သလင်ဟင် နွားတင်းကုပ်ကို၊ ခရစ္စမတ်ကာလ၌၊ ဆောက်လုပ်ပုံဖေါ်ခြင်းကို၊ အစဉ်အလာတစ်ခုအနေဖြင့်၊ ရာစုပေါင်းများစွာ၊ ပြုလုပ်လာခဲ့ပါသည် (သံလုကာ ၂း၁၁)။ သူငယ်တော်အိမ်ကို၊ ဘုရားကျောင်းတော်၌၊ ဘာသာရေးအနစ်သာရ ပေးစွမ်းသော၊ အခမ်းအနားတစ်ခု အဖြစ်လည်းကောင်း၊ မိမိတို့မိသားစုနေအိမ်၌ဖြစ်စေ၊ ရုံးခန်း၊ ဆိုင်ခန်းများ၌ဖြစ်စေ၊ အထိမ်းအမှတ်တစ်ခုအနေဖြင့်သော်လည်းကောင်း၊ ဆောက်လုပ်နိုင်ပါသည်။

#ဆောက်လုပ်မည့်အချိန်။

၎င်းကို၊ ဒီဇင်ဘာ (၁၇) (သို့) (၂၄) ရက် (သို့) ခရစ္စမတ်မတိုင်ခင်၊ အဆင်ပြေသော တစ်နေ့နေ့တွင်၊ ဆောက်လုပ်နိုင်ပါသည်။ ထိုသို့ ဆောက်လုပ်ရာ၌၊ အဓိကပါဝင်ရမည့်၊ ဆင်းတုများမှာ၊ သူငယ်တော်ယေဇူး၊ မယ်တော်မာရီးယာ၊ စိန်ဂျိုးဇက်၊ ကောင်းကင်တမန်တော်များ၊ ပညာရှိသုံးပါး၊ သိုးထိန်းများ၊ သိုး၊ နွားတို့ဖြစ်ပါသည်။ သို့သော်၊ သူငယ်တော် ယေဇူးရုပ်တုကိုမူ၊ သန်းခေါင်မစ္ဆားတရားအတွင်း၊ ဂလိုရီယာ သီဆိုနေစဉ်၊ သွားရောက်ချထားပေးခြင်း (သို့) ကြိုတင်ထည့်ထားပြီးဖြစ်လျှင်၊ အုပ်ထားသော၊ ပိတ်ဖြူကိုထိုအချိန်၌၊ ဖယ်ရှား ပေးရပါသည်။ ဆိုလိုသည်မှာ၊ ကောင်းကင်တမန်တော်များက၊ သူငယ်တော်ယေဇူး မွေးဖွားကြောင်း၊ ကြေငြာသောအချိန်ဖြစ် သောကြောင့်ဖြစ်ပါသည်။ (သံလုကာ ၂း၁၄)။ သို့မဟုတ်၊ ခရစ္စမတ်မစ္ဆားမစမှီ၊ စီတန်းလှည့်လည် ခြင်းကိုပြုလျှင်၊ သူငယ်ယေဇူး၏၊ ဆင်းတုတော်ကို၊ သူငယ်တော်အိမ်ထဲ၌ပြုလုပ်ထားသော၊ စားခွက်ထဲသို့သွားရောက်ချ ထားပေးနိုင်ပါသည်